2010.5.7
话说呢一个星期,我地会计班都唔使上课,原因就系第十周系我地噶实训周啊!
所谓噶实训,其实就系叫你写一份创业方案,然之后就根据你噶创业方案来创立公司。
将成个流程跑一次!
我同小樱一组,系我地噶努力之下,我地用左一日多D噶时间就完成左啦!哈哈!星期五早上就走得啦!
所以我决定放学就去买礼物比妈咪同嫲嫲,因为星期日就系母亲节啦!
可能因为时间尚早,沿路坐车都有位坐,太爽啦!
首先,我去左中六电脑城买左个米比妈咪,距用来同我地视频果阵倾计噶,屋企果个坏左,距想买个,于是我就借此机会送个比距啦!然之后,我自己都买左个鼠标,之前果个系买手提果阵送噶,伸缩鼠标来噶,一D都唔耐用,以后都唔要买伸缩啊!今次呢个鼠标好可爱啊,成只蛋甘,日本货来噶!
买完妈咪噶礼物之后,就要去买嫲嫲噶!地铁一飞,就去左长寿路啦!
原计划系买一个脚底按摩器噶,点知稳来稳去都稳唔到木制果种脚底按摩器。唯有放弃啦,最后买左件衫比嫲嫲!
任务完成,终于可以翻屋企啦!
晚上,同妈咪、阿li、connie去左食酸菜鱼!好耐无食过啦,系学校果阵就好想食啦!
去翻我地以前成日去开果间名叫“重庆饭庄”到食。
距D水煮鱼同酸菜鱼都好出名,D鱼好滑噶!而且分量十足啊!我地都食唔晒啊!
食饱饱之后,我地就散步翻屋企啦!
2010.5.8
由于星期日,我地D细噶都要准备翻学啦,所以就系星期六全家人庆祝母亲节。又一次family day!
妈咪同嫲嫲收到我噶礼物,都好开心啊!尤其系嫲嫲啊!体得出距好中意件衫。哈哈,我真系了解距啊!
晚上,我地全家大大小小去左龙溪酒楼到食。
晚餐超丰富,13个菜,2个点心。几乎系一人一个菜。最后取消左个凉拌青瓜,因为我地食完,距都仲未上!!!
顺德豆腐煲 (豆腐好滑,好香!) 白灼大虾 (成3斤虾,虾肉好嫩好弹牙啊!)
炒凉瓜 (凉瓜好爽脆,不太苦!) 五香掌翼煲 (掌翼好入味,但味道太重,我不喜欢)
猪肚切瓜煲 (切瓜好甜啊,汤好入味!) 砂锅焗鲍鱼(鲍鱼刚刚熟,好嫩,好鲜甜,一D都唔腥啊)
凉拌北方蓎蒿(第一次觉得蓎蒿甘好食,陈醋噶威力真大啊) 水浸蟹黄墨鱼丸 (鱼丸里面系蟹黄同鱼子,好味)
黑椒牛仔骨 (牛仔骨好嫩,一D都唔腻) 辣子鸡 (鸡肉干身程度刚刚好,辣道适中)
法式餐包(包好香好松软,馅系奶黄,好想奶味,若有一丝椰香) 芋头酥 (外皮松化,香芋馅甜而不腻)
清蒸多宝鱼 (鱼肉好鲜甜,好滑) 豉汁蒸元贝 (元贝好大只好多肉,不过RMB10有D贵)
2010.5.9
母亲节终于到啦!祝各位妈妈节日快乐!
早上去同嫲嫲、外公外婆饮茶。
中午,同妈咪、嫲嫲距地去左宝岗楼食饭。
美极猪手 (猪手好爽,好入味,肥而不腻) 卤水掌翼 (好入味,不过我唔系好中意食掌翼)
清蒸皖鱼 (鱼肉鲜甜,好滑) 咸骨芥菜煲
午饭过后,我就拾野,准备翻学啦!
4点几,就翻到学校,基本上沿路都有位坐,除左3号线。
好彩今日早D出门啊,夜D噶话就变落汤猪啦!!!
呢几日翻到屋企,餐餐都系出面食,哎,食到胃都大啊!又要缩翻细距先得啦!!!
终于完成呢篇连环日志啦!
评论